საწრეო მუშობა, მე-6 კლასი

                                                         

წრის მიზანი - წრის მიზანია,  ხელი  შეუწყოს მოსწავლეებში მხატვრული ტექსტის ანალიზის  უნარის განვითარებას კრიტიკული/ანალიტიკური კითხვისა და წერის პრინციპების  გათვალისწინებით. 
დაიგეგმება მრავალფეროვანი და საინტერესო აქტივობები, რაც დაეხმარება მოსწავლეებსმხატვრული სახეების ამოცნობაში, ლიტერატურული ნაწარმოების როგორც ცალკეული
მიმართულებით გარჩევაში, ისე მთლიანად ტექსტის ანალიზში ზემოთ ჩამოთვლილი ყველა პრობლემის გათვალისწინებით.

დისციპლინა - ქართული ენა და ლიტერატურა

პედაგოგი - ნინო წიკლაური

აქტუალურობა - საწრეო მუშაობის  ფარგლებში მოსწავლეები შეძლებენ  ლიტერატურული ტექსტის გააანალიზებას; ამისათვის კი, პირველ რიგში, განსაკუთრებით მნიშვნელოვანია კრიტიკული წაკითხვა. ამდენად, გაიაზრებენ, რომ მკითხველის როლი გაცილებით დიდია, რადგან ლიტერატურული ტექსტი ყველა სხვა ტიპის ტექსტზე მეტად იძლევა ინტერპრეტირების საშუალებას. ბუნებრივია, ინტერპრეტირება იმდენგვარად შეიძლება, რამდენი მკითხველიც ჰყავს ტექსტს, თუმცა, უნდა აღინიშნოს, რომ ამ შემთხვევაში ინტერპრეტირება არ შეიძლება იყოს ბოლომდე თავისუფალი, მკითხველმა უნდა გაითვალისწინოს რამდენიმე არსებითი ფაქტორიც.

ნაწარმოების მხატვრული ანალიზი, ამავე დროს, გულისხმობს ტექსტის ადეკვატურ გააზრებას, გაგებას, ძირითადი და მეორეხარისხოვანი ინფორმაციისა და დეტალების გამიჯვნას.

საწრეო მუშაობის ხანგრძლივობა -2019 -2020 სასწავლო წელი

შეხვედრების განრიგი - მეცადინეობა ტარდება კვირაში ერთხელ (ოთხშაბათობით).  

მოსწავლეთა ასაკობრივი ჯგუფი - VI  კლასი

მოსწავლეთა რაოდენობა ჯგუფში - 10- 13  მოსწავლე

                                წრის წევრები:
     
                 

	სახელი, გვარი	კლასი
1	ზურაბ გიორგაძე	VI ბ
2	ალექსანდრე გოლოევი	VI ბ
3	დავით   გრემელაშვილი	VI ბ
4	ნიკოლოზ ძიძიგური	VI ბ
5	დავით კუხალაშვილი	VI ბ
6	ნიკოლოზ ფრანგიშვილი	VI ბ
7	თათია პაპიძე	VI დ
8	მარიამ დარჩია	VI დ
9	ქეთევან ლათათია	VI დ
10	ელენე სააკაშვილი	VI დ
11	ხატია არაბული	VI დ
12	მურად სხირტლაძე	VI დ
13	გიორგი ახალაძე	VI ბ

წრის მუშაობაში გამოყენებული რესურსები:

1.მანანა ჩიტიშვილის ლექსები.

2. გოდერძი  ჩოხელის მოთხრობები

3. გია მურღულიას წიგნი ,,სიბრძნე მინიატურაში’’

4. საკანცელარიო ნივთები.

                                    წიგნიდან  ,,სიბრძნე მინიატურაში’’

ახალგაზრდა წყვილი საცხოვრებლად ახალ ბინაში გადავიდა.
ერთ დილას ცოლი ადგა, ფანჯარაში გაიხედა და დაინახა მეზობელი, რომელიც იქვე თოკზე სარეცხს ფენდა.

- ღმერთო, შეხედე ჩვენ მეზობელს რა ჭუჭყიანი სარეცხი გამოუტანია გასაშრობად - უთხრა ქმარს, თუმცა ეს უკანასკნელი გაზეთს კითხულობდა და დუმდა.

- ალბათ ცუდ სარეცხ საშუალებას ხმარობს ან რეცხვა საერთოდ არ იცის, თუ მოვახერხებ უნდა ვასწავლო - ვერ წყნარდებოდა ქალი.

და ამის შემდეგ ყოველ დილით ერთი და იგივე მეორდებოდა.
ცოლი ფანჯრიდან იყურებოდა და მეზობლის ჭუჭყიან თეთრეულზე ლაპარაკობდა.

ერთ დღესაც ცოლმა ჩვეულებრივ ისევ გაიხედა ფანჯარაში და გაოცებით შესძახა:

- ღმერთო, შეხედე რა სუფთაა მისი თეთეული, როგორც ჩანს რეცხვა უსწავლია"

- არა, ძვირფასო - უპასუხა ქმარმა, რომელიც მთელი ამ ხნის განმავლობაში დუმდა - ეს მე ავდექი დილით შენზე ადრე და ჩვენი ფანჯრები გავწმინდე.

•       დაფიქრდით, რა არის მინიატურის მთავარი სათქმელი და როგორ გამოხატა იგი მწერალმა, ადვილად აღსაქმელია თუ, პირიქით, ღრმადაა ჩადებული.
•          დაწერეთ მინიატურა,  რომლის პერსონაჟებსაც თავად გამოიგონებთ და მთავარი სათქმელის ჩადებაც არ დაგავიწყდეთ.